Исроилда коронавируснинг янги тури аниқланди
Исроилда хориждан қайтган икки йўловчида коронавируснинг янги варианти аниқланди.
Маълум қилинишича, йўловчиларда мамлакатга етиб келганидан сўнг ўтказилган ПЗР тестлари «омикрон» ва унинг «BА.2» тури комбинацияси бўлган янги вариантни кўрсатган. Беморларда иситма ва бош оғриғи каби касалликнинг енгил белгилари қайд этилган.
Таъкидланишича, уларнинг ҳеч бири махсус тиббий ёрдамга муҳтож эмас.
