Россияда ўзбекистонлик йигит одам ўғирлашга уринди
Россиянинг Санкт-Петербург шаҳри Петродвортсовий туманида 28 ёшли ўзбекистонлик ва қирғизистонлик йигитлар одам ўғирлашга уринди.
Маълум қилинишича, 9 март куни полицияга Красный Флот кўчасидаги 23-уй ёнида муштлашув бўлгани ҳақида хабар келиб тушган. Ҳодиса гувоҳи бўлганлар йигитлар жабрланувчини «Kia Rio» машинасида олиб қочиб кетганини айтган. Машинада жабрланувчи билан бирга тўрт киши бўлган. Уларнинг барчаси суд иши учун департаментга олиб кетилган.
«Аниқланишича, соат 14:00 атрофида 28 ёшли Ўзбекистон ва Қирғизистон фуқаролари, шунингдек, 26 ёшли маҳаллий фуқаро 36 ёшли танишини уриб, уни куч билан машинага ўтқизган. Ҳодисага молиявий келишмовчилик сабаб бўлган», дейилади хабарда.
Таъкидланишича, тергов органлари одам ўғирлаш бўйича жиноий иш қўзғатган. Гумонланувчилар изоляцияга жойлаштирилган.
