«Гонорарим $14,7 минг эди»: Юлдуз Усмонова ўзбек тўйларида хорижий ижрочи сифатида қатнашган пайтларини ёдга олди
Ўша пайтда ижрочи Туркияда фаолият юритган.
Юлдуз Усмонованинг мухлислари хонанда ҳукуматни танқид қилгани учун 2 марта: 1996-йил ва 2008-йилда Ўзбекистонни тарк этганини яхши билишади.
Янги интервьюсида ижрочи Туркияга эмиграция қилишига тўғри келган вақтларини эслади.
«Уларнинг аҳолисини тушуниш учун мен уларнинг тилини, ва, устига-устак, улардек фикрлашни ўрганиб олдим. Ўша пайтда биз турмуш ўртоғим билан бир қатор муаммоларга дуч келдик. Нима бўлишидан қатъий назар, мен тўйдаги чиқишларга берилиб кетмадим. Ўшанда менинг ўзбек тўйларидаги гонорарим 15 минг евро эди ($14,7 минг). Мен тўйларимизга хорижий ижрочи сифатида келардим. Туркияда мен кўпроқ альбом чиқариш ва концерт бериш ҳақида ўйлардим», – бўлишди у.
Қайд этиш лозимки, Туркияда ижодкор «Inedım» ва «Dünya» номли иккита мустақил альбом чиқарган. Сўнги альбомга турк юлдузлари Фатиҳ Эркоч, Левент Юксел ва Яшар билан бирга куйланган қўшиқлар кирган.
