Қотиллигини ёнғин билан яширмоқчи бўлган ўзбекистонликка 15 йил озодликдан маҳрум этиш жазоси тайинланди

Ўтган йилнинг ноябрь ойида ўзбекистонлик фуқаро Астрахандаги (Россия) ватандошини ўлдирганини яшириш учун ёнғин уюштирган.

Қайд этилишича, 28-июнь куни уч нафар ўзбекистонлик кафеда дўппослашишди. Сўнгра муассасани тарк этиб, уйга жўнаб кетишди.

«Айбланувчи шеригига бўлган аламини ичига ютиб, уни ухлашини кутди. Шундан сўнг бир неча марта унинг бўйнига пичоқ урди. Олинган жароҳатлар натижасида эркак жойида вафот этди. Жиноят изларини гумдон қилиш ва эҳтимолий гувоҳдан халос бўлиш учун айбланувчи уйни ёқиб юборди. Бу вақтда у ерда учинчи Ўзбекистон фуқароси ухлаётган эди», – дейилмоқда хабарда.

Олов барча хоналарни қуршаб олди, айбланувчи кўчага югуриб чиқиб, яширинди. Бироқ мутахассислар унинг танишини оловдан қутқаришга муваффақ бўлишди.

«Аргументы и факты» хабарига кўра, ўзбекистонликка нисбатан ватандошини ўлдириш, икки одамнинг ҳаётига қасд қилиш ва мулкка қасддан зарар етказиш айби қўйилди.

Суд айбланувчига 15 йил озодликдан маҳрум қилиш жазосини тайинлаб, қаттиқ тартибдаги ахлоқ тузатиш колониясига юборди.