Aндижонда вилоят прокурори билан бўлган учрашувларда 160 га яқин фуқаронинг 85 та мурожаати жойида ҳал этилди
Aндижонда фуқароларнинг муаммо ва эҳтиёжларини аниқлаш ҳамда ҳал этиш мақсадида прокуратура органлари томонидан тадбирлар ўтказилди. Бу ҳақда Бош прокуратура ахборот хизмати хабар қилди.
Хабарга кўра, Шавкат Мирзиёевнинг «Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида»ги қарори ижроси юзасидан Aндижон вилоят прокурори Г.Фозилов бошчилигидаги ишчи гуруҳ томонидан карантин қоидаларига қатъий риоя этилган ҳолда тасдиқланган режа асосида ҳудуддаги ёшлар ва хотин-қизларнинг муаммоларини ўрганиш ва жойида ҳал этишга қаратилган бевосита учрашувлар ўтказилмоқда.
Фото: Бош прокуратура ахборот хизмати
Вилоятнинг Марҳамат, Хўжаобод, Қўрғонтепа туманлари ва Хонобод шаҳрида ўтказилган учрашувларда иштирок этган 160 га яқин ёш ва хотин-қизнинг 85 та мурожаати жойида ҳал этилган, 5 таси назоратга олинган.
Қайд этилишича, Хўжаобод туманидаги учрашувда иштирок этган ёшларнинг 13 нафарига тикувчилик, новвойчилик, чилангарлик билан шуғулланиш учун кредит олиш, 6 нафарининг ишга жойлаштириш, 2 нафарининг маиший газ баллони олиш, 2 нафарининг бепул тиббий кўрикдан ўтиш ҳамда 2 нафарининг бепул даволаниш учун йўлланма олиш ҳусусидаги мурожжатлари шу куннинг ўзида ҳал этилган.
Фото: Бош прокуратура ахборот хизмати
Шунингдек, Қўрғонтепа туманидаги учрашувда иштирок этган хотин-қизлардан 17 нафарининг ҳунармандчиликни ривожлантириш учун имтиёзли кредит ажратилиши, ишга жойлаштириш ва бошқа масалардаги мурожаатлари қаноатлантирилди.
Фото: Бош прокуратура ахборот хизмати
Эслатиб ўтамиз, Шаҳрихонда 8 нафар мактаб битирувчисига тикув машиналари топширилгани ҳамда Бўстонда «темир дафтар»га киритилган 3 нафар фуқаро ишга жойлангани ҳақида хабар қилинганди.
