Шаҳрихонда 8 нафар мактаб битирувчисига тикув машиналари топширилди (фото)
Aндижон вилояти Шаҳрихон туманида 8 нафар хотин-қизга имтиёзли кредит асосида тикув машиналари топширилди. Бу ҳақда туман ҳокимлиги ахборот хизмати хабар берди.
![](/wp-content/uploads/2020/09/13-1.jpg)
Фото: Шаҳрихон тумани ҳокимлиги ахборот хизмати
Маълум қилинишича, 2 сентябрь куни вилоят прокуратураси ташаббуси билан Шаҳрихон туманидаги Чўжа қишлоғида жойлашган 1-сон касб-ҳунар мактабида хотин-қизлар ва ёшлар вакиллари билан учрашув ўтказилган. Унда вилоят прокурорининг ўринбосари Бахтиёр Худойбердиев, туман ҳокими Ҳикматилло Дадахонов, барча секторлар раҳбарлари ва туман Халқ қабулхонаси иштирок этган.
![](/wp-content/uploads/2020/09/11-17.jpg)
Фото: Шаҳрихон тумани ҳокимлиги ахборот хизмати
Қайд этилишича, учрашувда 33 нафар аёл ўзларини қийнаётган муаммоларни ҳал этишга амалий ёрдам сўраган. Мурожаатлари асосида 6 нафар аёлга хонадонида парваришлаш учун қуён ва парранда берилган ҳамда 2 нафар мурожаатчи шу жойнинг ўзида иш билан таъминланган. Бундан ташқари, 1 нафар фуқарога ногиронлик аравачаси топширилган.
![](/wp-content/uploads/2020/09/12-5.jpg)
Фото: Шаҳрихон тумани ҳокимлиги ахборот хизмати
![](/wp-content/uploads/2020/09/14-1.jpg)
Фото: Шаҳрихон тумани ҳокимлиги ахборот хизмати
Эслатиб ўтамиз, аввалроқ мактаб битирувчиларига Олтинкўлда 5 миллион сўмдан, Aндижон шаҳрида 5 миллион сўмдан кредит маблағлари, Избосканда кредит сертификатлари ҳамда Булоқбошида 50 нафар мактаб битиручисига 5 турдаги ускунлар топширилгани ҳақида хабар берилди.
Шунингдек, Хўжаободда 25 нафар мактаб битирувчисига тикув машиналари топширилгани маълум қилинди.