«Кўпчилик кийинишидан нотўғри ўйлаши мумкин». Шаҳзода Муҳаммедова Муниса Ризаеванинг 5 маҳал намоз ўқишини айтди
Актриса Шаҳзода Муҳаммедова хонанда Муниса Ризаеванинг 5 маҳал намоз ўқишини айтди. У бу ҳақда YouTube’даги «YashinTV» каналига берган интервьюсида гапирди.
Коллаж: «Tez News»
Актриса интервью давомида ҳижобга кирган қизларинг юриш-туриши, замонавий кийинсада, беш маҳал намоз ўқийдиганларга намуна сифатида хонанда ва актрисаларни мисол қилиб айтиб ўтган. Шунингдек, айрим қизларнинг ҳижобга имидж сифатида қараб, кираётганлигини қоралаган.
«Баъзи қизлар, аёллар борки, замонавий кийиниб юргани, шим кийгани билан беш маҳал нaмозини канда қилмайди. Мисол учун, Муниса Ризаева, Райҳон Уласенова, хонанда Манзура ҳақида кўпчилик нотўғри ўйлаши мумкин. Улар беш маҳал нaмоз ўқийди. Қаерда кўришиб қолсак ҳам, беш дақиқага руҳсат сўраб, кириб номозини ўқиб чиқишади. Улар қаторида бошқалар — санъат, дизайн соҳасидаги дугоналарим ҳам бор.
Лекин ҳижобда бир маҳал ҳам намоз ўқимайдиган қизларни ҳам кўп кўрганман. Шунчаки, ҳижобга ўранган. Мен бу билан уларни қораламоқчи эмасман, фақат шунақа қизлар кўпайиб кетганини айтмоқчиман. Кўпчилик ҳижобни имидж қилиб киряти. Менга ўхшаб — бели тор кийимда, шим кийган, шунчаки, бошига рўмол ўраб қўяди, бўлди», — деди актриса.
Шунингдек, актриса интервью давомида ёш бўла туриб Ҳаж сафарига боришни ҳохламаслигини, руҳан, ҳамма тарафлама тайёр бўлганидан сўнг боришини айтган.
Эслатиб ўтамиз, аввалроқ Муниса Ризаева кийинишини танқид қилган Аброр Мухтор Алий билан судлашмоқчи эканлиги ҳақида хабар берилганди. Хусусан, хонанда ўзининг Instagram саҳифасига жойлаштирган сурати остида қолдирилган Аброр Мухтор Алий ҳақидаги изоҳларга «Мен у билан нимани ‘разбор’ қиламан? У билан судда кўришаман», деб жавоб берган.
Мавзуга доир:
Аввалроқ хонанда Манзура Instagram’да муҳокамаларга сабаб бўлаётган «ҳижобга киргани» ҳақидаги фикрларга изоҳ билдирганди. Унинг сўзларига кўра, ҳижоб ўранган суратлар «Тангрим» номли қўшиғига кўриниши мос келиши кераклиги учун яратилган.
