Hindiston koronavirus bilan kasallanganlar soni bo‘yicha Rossiyani ortda qoldirdi
Koronavirus aniqlangan holatlar soni bo‘yicha Hindiston Rossiyani ortda qoldirib uchinchi o‘rinda bormoqda, deb xabar berdi RBK.
Foto: Gety Images
Hindiston Sog‘liqni saqlash vazirligining ma’lumotlariga ko‘ra, mamlakatda koronavirusga chalinganlar soni 697 413 kishiga yetgan. Bugungi kunga qadar ushbu ko‘rsatkich bo‘yicha dunyoda uchinchi o’rinni egallab turgan Rossiyada 5-iyul kuni ertalab 681 251 ta holat qayd etilgan.
Mamlakatning eng yomon ahvoldagi hududi Maxarashtra shtati hisoblanadi. Shuningdek, Assam va Uttar-Pradesh shtatlarida (Dehli janubida) infeksion holat yomonlashmoqda. Lekin rasmiylarning ta’kidlashicha, bir qator sharqiy shtatlarda vaziyat asta-sekin yaxshilanishni boshlagan.
Ma’lumot uchun 2020-yil 4-iyul holatiga ko‘ra, Hindistonda koronavirus bilan kasallanganlar soni 697 413 kishiga yetgan. Shulardan 425 070 nafari kasallikdan butunlay sog‘aygan bo‘lsa, 19 693 nafari vafot etgan.
