Маймун чечаги билан касалланиш кескин ўсди – ЖССТ
Жорий йилнинг 13 майидан 2 июнигача дунёнинг 27 давлатида маймун чечаги билан касалланишнинг 780 та ҳолати тасдиқланди.
Бир ҳафта илгари 26 майда 23 давлатда маймун чечаги билан боғлиқ 257 та ҳолат тасдиқланган. Бир ҳафтада касалланганлар 523 нафарга кўпайган, ўсиш – 203 фоиз.
«2022 йил 13 майдан 2 июнгача маймун чечаги вируси учун эндемик бўлмаган тўртта минтақадаги 27 та аъзо давлатда ЖССТ томонидан 780 та лаборатория томонидан тасдиқланган маймун чечаги ҳолати қайд этилган ёки аниқланган», дейилади хабарда.
Касалликлар қайд этилган мамлакатлар асосан Европа ва Шимолий Америкада жойлашган. Аксарият ҳоллар:
- Буюк Британия – 207 (бир ҳафта олдин — 106);
- Испания – 156 (20);
- Португалия – 138 (49);
- Канада – 58 (26);
- Германия – 57 (5) ни ташкил қилади.
