Шуҳрат Aбдураҳмонов Олтинкўлдаги мактаб ҳолати билан танишди
Aндижон вилояти ҳокими Шуҳрат Aбдураҳмонов 7 сентябрь, душанба куни вилоят халқ таълими бошқармаси (ХТБ) бошлиғи Aзизбек Миркомилов Олтинкўл туманидаги 33-сонли математика фанига ихтисослаштирилган умумий ўрта таълим мактабида бўлди. Бу ҳақда вилоят ҳокимлиги матбуот хизмати хабар қилди.
Фото: Aндижон вилояти ҳокимлиги матбуот хизмати
Хабарга кўра, ушбу мактабда жами 1006 нафар ўқувчи бўлиб, уларга 65 нафар ўқитувчи билим бериб келмоқда.
Вилоят раҳбари 11-синф битирувчиларини ишга жойлаштириш, уларга ажратилган кредит маблағларини мақсадли сарфлаш масалаларига алоҳида тўхталиб ўтган.
Фото: Aндижон вилояти ҳокимлиги матбуот хизмати
Қайд этилишича, мазкур мактабда COVID-19 кириб келиши ва тарқалишининг олдини олиш мақсадида ўқувчи ҳамда ўқитувчиларга яратилган шароитлар билан танишган.
Эслатиб ўтамиз, аввалроқ Андижон халқ таълими бошқармаси ўқитувчи ва ота-оналарга дезинфекция воситаларини харид қилиш уларнинг бўйнида эмаслигини эслатгани ҳамда Фарғонада 19 та мактабда синов тариқасида илк дарслар бўлиб ўтгани ҳақида хабар қилинганди.
