Пахтаободда 6 та йўналишда таълим берувчи касб-ҳунар мактаби очилди (фото)
Андижон вилояти Пахтаобод туманида 1-сон касб-ҳунар мактабининг очилиш тадбири бўлиб ўтди. Бу ҳақда туман ҳокимлиги матбуот хизмати хабар берди.
![](https://teznews.uz/wp-content/uploads/2020/10/photo_2020-10-08_20-28-05.jpg)
Фото: Пахтаобод тумани ҳокимлиги матбуот хизмати
Маълум қилинишича, Пахтаобод туманидаги 1-сон Касб-ҳунар мактаби маҳаллий бюджет маблағлари ҳисобидан таъмирланиб қайта жиҳозланиб, 7 октябрдан ўз фаолиятини бошлаган.
![](https://teznews.uz/wp-content/uploads/2020/10/photo_2020-10-08_20-28-14.jpg)
Фото: Пахтаобод тумани ҳокимлиги матбуот хизмати
Касб-ҳунар мактаби 6 та йўналиш бўйича 180 нафар ўқувчига таълим беришни режалаштирган бўлиб, ҳозирда 9-синф битирувчиларидан 281 нафари турли йўналишлар бўйича касб-ҳунар эгаллаш истагини билдирган.
![](https://teznews.uz/wp-content/uploads/2020/10/photo_2020-10-08_20-28-23.jpg)
Фото: Пахтаобод тумани ҳокимлиги матбуот хизмати
Қайд этилишича, мактабда либослар бўйича рассомчилик, рақамли ахборотни қайта ишлаш, пайвандлаш, электр жиҳозлари бўйича хизмат кўрсатиш, автомобилларни таъмирлаш-чилангарлик ҳамда тикувчилик йўналишлари ўргатилади.
![](https://teznews.uz/wp-content/uploads/2020/10/photo_2020-10-08_20-28-31.jpg)
Фото: Пахтаобод тумани ҳокимлиги матбуот хизмати
Эслатиб ўтамиз, аввалроқ Олтиариқда салкам 4 млрд сўмга таъмирланган мактаб фойдаланишга топширилганди. Шунингдек, Фарғона шаҳрида мақом мактаби ташкил этилгани хабар қилинганди.