Шофирконда қиймати салкам 4 млрд сўм бўлган боғча фойдаланишга топширилди (фото)
Бухоро вилояти Шофиркон туманида «Феруза ёғду 2019» нодавлат мактабгача таълим ташкилоти фойдаланишга топширилди. Бу ҳақила Шофиркон туман ҳокимлиги матбуот хизмати хабар берди.
Фото: Шофиркон туман ҳокимлиги матбуот хизмати
Маълум қилинишича, умумий қиймати 3 миллиард 815 миллион 287 минг 340 сўмга тенг мазкур мактабгача таълим ташкилоти 100 ўринга мўлжалланган.
Фото: Шофиркон туман ҳокимлиги матбуот хизмати
Туман ҳокими Шукурулла Ҳакимов мазкур мактабгача таълим ташкилотининг очилиш маросимида сўзга чиқиб, муассасанинг келгуси фаолиятида омад тилади.
Фото: Шофиркон туман ҳокимлиги матбуот хизмати
«Сами ота мангу» МЧЖ қурувчилари томонидан бунёд этилган мазкур мактабгача таълим ташкилотида болалар 5 та гуруҳга бўлинган ҳолда машғулотларда иштирок этадилар.
Фото: Шофиркон туман ҳокимлиги матбуот хизмати
Ушбу мактабгача таълим ташкилоти мудираси Феруза Йўлдошеванинг айтишича, муассасанинг фойдаланишга топширилиши муносабати билан 20 нафар ишсиз фуқароларнинг бандлиги таъминланди.
Фото: Шофиркон туман ҳокимлиги матбуот хизмати
Туман ҳокими ҳамда мутасаддилар мактабгача таълим ташкилотида яратилган имкониятлар ва иш сифатига билан танишишди.
Эслатиб ўтамиз, аввалроқ Жондор туманидаги мактаб 6 млрд сўмдан ортиқ маблағ эвазига таъмирланганди. Шунингдек, Бухорода анъанавий тарзда фаолиятини бошлаган боғчалар сони 40 тага етганди.
