Олтиариқда юк машинаси уриб юборган 6 ёшли қиз касалхонада вафот этди
Фарғона вилояти Олтиариқ туманида юк машинаси уриб юборган вояга етмаган шахс шифохонада вафот этди. Бу ҳақда Йўл ҳаракати хавфсизлиги бошқармаси ахборот хизмати хабар берди.
Маълум қилинишича, 9 сентябрь куни соат 13:25 ларда 27 ёшли Н.Қ. Олтиариқ тумани «Юксалиш» маҳалласида юк автомобилини ҳайдаб кетаётганида 6 ёшли қизни уриб юборган. Оқибатда 6 яшар М.О. тан жароҳати олиб шифохонада вафот этган.
Мазкур ҳолат юзасидан Олтиариқ тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Эслатиб ўтамиз, аввалроқ Олтиариқда «Spark» ва «Камаз» тўқнашиши оқибатида 2 киши ҳалок бўлгани ҳақида хабар берилган. Кейинчалик Бешариқда «Damas» велосипедчини уриб юборгани, Фарғонада «Nexia-3» велосипедчини уриб юбориши оқибатида велосипед ҳайдовчиси ҳалок бўлгани маълум қилинган эди.