Туркия телеканали Бухорода карантин қоидалари юмшатилгани ҳақида репортаж тайёрлади (видео)
Туркиянинг «TRT Avaz» телеканали Бухоро шаҳрида карантин қоидалари юмшатила бошлангани ҳақида репортаж тайёрлади. Бу ҳақда вилоят Туризмни ривожлантириш департаменти матбуот хизмати хабар берди.
Маълум қилинишича, телеканал Бухорони йирик туризм шаҳарларидан бири деб атаган. Шунингдек, шаҳарда сайёҳларни қабул қилишга тайёргарлик кўраётганини ҳам қайд этган.
Эслатиб ўтамиз, аввалроқ Истанбулдан Бухорога тўғридан-тўғри авиарейслар йўлга қўйилиши мумкинлиги ҳақида хабар берилган эди.
Кейинчалик Бухорода Туркиянинг Ўзбекистондаги элчихонаси билан ҳамкорликда тарихий уй-музей ташкил этилиши ҳақида маълум қилинганди.
