Бухоро вилояти 4-секторга ажратилган 2 млрд сўмдан ортиқ пул эҳтиёжманд оилаларга тарқатилди
Бухоро вилоятининг 4-секторида «Саҳоват ва кўмак» жамғармаси томонидан ажратилган пулларни ўз эгаларига етказиш давом этмоқда. Бу ҳақда вилоят Давлат солиқ бошқармаси матбуот хизмати хабар берди.
Пулларни эгаларига етказиш жараёнларида сектор раҳбарлари, маҳалла фаоллари ва жамоатчилик вакиллари иштирок этмоқда.
Вилоятнинг 4-секторида «темир дафтар»га киритилган жами 2 минг 981 та оилага шу кунга қадар 2 миллиард 379 миллион сўмлик пул маблағи етказилди.
Аввалроқ Қоракўлда «темир дафтар»га киритилган оилаларга қарийб 2 миллиард сўм тарқатилгани хабар қилинган эди.