Россиядан 700 нафардан зиёд ўсбекистонликни ватанга олиб келаётган поезд йўлга чиқди
Россиянинг Волжский шаҳридан 700 нафардан зиёд ўзбекистонни ватанга олиб келаётган поезд 12 декабрь куни йўлга чиқди. Бу «TACC» ҳақда хабар қилди.
Фото: Транспорт вазирлиги матбуот хизмати
Хабарга кўра, поезд Волжскийдан соат 21:57 да (Тошкент вақти билан соат 22:57) Тошкентга йўл олган. Шунингдек, 722 та чиптанинг барчаси сотилиб бўлган. Таъкидланишича, ушбу рейсга талаб юқорилиги сабабли 19 ва 26 декабрга яна иккита қўшимча поезд белгиланган. Поезд Россия ҳудудида тўхташларсиз ҳаракатланади.
Маълумот учун Ўзбекистон фуқароларининг Россиядан олиб чиқилиши икки давлат ўртасидаги халқаро келишувларга асосан амалга оширилмоқда. Сентябрь охиридан айни вақтгача Волжскийдан Ўзбекистонга 31 мингдан кўпроқ ўзбекистонлик олиб чиқилган.
Аввалроқ Абхазиядан 300 га яқин ўзбекистонлик махсус чартер рейси орқали олиб келингани ҳақида хабар берилганди. Шунингдек, Москвадан 442 нафар ўзбекистонлик чартер рейс орқали ватанга қайтарилгани ҳамда Россиядан 1000 нафарга яқин ўзбекистонлик олиб келингани ҳақида хабар берилган.
