Самарқандда 39 нафар коронавирус аниқланган фуқаро тузалди
Самарқандда 13 август ҳолатига кўра, яна 39 нафар коронавирус инфекциясидан даволанаётган бемор соғайди. Вилоятда жами соғайганлар 1267 нафарга етди.
Бундан ташқари, Ўзбекистонда COVID-19’дан тузалганларнинг:
- 1198 нафари Тошкент шаҳрида;
- 204 нафари Тошкент вилоятида;
- 26 нафари Наманган вилоятида;
- 18 нафари Қашқадарё вилоятида;
- 17 нафари Сирдарё вилоятида;
- 13 нафари Бухоро вилоятида;
- 11 нафардан Андижон, Сурхондарё ва Хоразм вилоятларида;
- 4 нафари Қорақалпоғистон Республикасида;
- 2 нафари Фарғона вилоятида аниқланган.
Айни пайтда Ўзбекистонда 27 213 нафар коронавирус инфекциясига чалинган фуқаро тузалиб, соғайиш кўрсаткичи 82 фоизни ташкил қилмоқда.
Маълумот учун, мамлакатда 13 август соат 23:30 ҳолатига кўра, коронавирус инфекцияси қайд этилганлар сони 33 323 (+230) нафарни ташкил этмоқда.
Эслатиб ўтамиз, 12 август куни мамлакатнинг турли ҳудудларида 1569 нафар бемор тузалиб, соғайганлар кўрсаткичи бўйича рекорд натижа қайд этилган эди.