«Дунё бўйлаб» телеканалининг 31 ёшли журналисти вафот этди
«Дунё бўйлаб» телеканалининг 31 ёшли бошловчиси Рамина Ягафарова вафот этди.
Қайд этилишича, жорий йилнинг 12 сентябрь куни кечқурун Рамина Ягафарова Чилонзор туманидаги хусусий клиникада даволанаётган онасининг антибиотик дорисидан бир дона ичган, орадан 10-15 дақиқа ўтиб эса унда тутқаноқ кузатилган ва ҳушини йўқотган.
Клиника шифокорлари томонидан унга биринчи ёрдам кўрсатилган ва бошловчи жонлантириш бўлимига ётқизилган. Бироқ 13 сентябрь куни Ягафаровада яна тутқаноқ кузатилиб, унда биологик ўлим қайд этилган.
«Яқинда мен Рамина билан гаплашгандим, у суратга олиш борасида маслаҳатлашаётган эди ва шу якшанба куни Анна Герман хотирасига бағишланган «Муҳаббат акс-садоси» фестивалини ёритмоқчи эди. Шунингдек, у ўғли билан денгизга боришни орзу қилар эди. Оила аъзоларига ҳамдардлик изҳор қиламан», деб ёзган Элмира Тухватуллина.
