Бухоролик хусусий мактаб битирувчиси бир вақтда 5 та олийгоҳга талабаликка қабул қилинди
Бухоро шаҳридаги «The Knowledge Academy» давлат шериклиги асосидаги илк хусусий мактаб битирувчиси бир вақтда 5 та олийгоҳга талабаликка қабул қилинди. Бу ҳақда вилоят ҳокимлиги матбуот хизмати хабар берди.
Фото: Бухоро вилоят ҳокимлиги матбуот хизмати
Маълум қилинишича, хусусий мактаб битирувчиси Жавонишер Латипов қуйидаги олийгоҳларга талабаликка қабул қилинган:
- International Management Institute of Central Asia;
- MDIS Tashkent;
- British Management University in Tashkent;
- Webster University in Tashkent;
- Westminister University in Tashkent.
Aввалроқ Бухоро вилоятида ўқувчи йигит бир вақтнинг ўзида 5 та хорижий олийгоҳ, битирувчи қиз 7 та олийгоҳ, яна бир ўқувчи Ўзбекистондаги 6 та ҳорижий олийгоҳ, битирувчи йигит 20 та ҳорижий ОТМ талабаси бўлгани маълум қилинган эди.
Шунингдек, Aндижонда мактаб битирувчиси 120 та университетдан 78 тасига, мактабни тамомлаган йигит 8 та ОТМга қабул қилингани ҳақида хабар берилди.
Наманганда 2 ўқувчи бир вақтнинг ўзида 10 дан ортиқ олийгоҳларга ўқишга қабул қилинган.
