Самарқандда 20 нафар кам таминланган хотин-қизларга тикув машиналари берилди (фото)
Самарқанд вилояти Тойлоқ туманида 20 август куни Республика касаба уюшмалари федерацияси томонидан 20 нафар кам таъминланган, доимий даромад манбаига эга бўлмаган, ишсиз хотин-қизларга тикув машиналари совға қилинди. Бу ҳақда туман ҳокимлиги матбуот хизмати хабар берди.
Фото: Тойлоқ тумани ҳокимлиги ахборот хизмати
Хабарга кўра, шу муносабат билан ташкил этилган тадбирда туман ҳокими Б.Бабоназаров, сектор раҳбарлари, маҳалла ва оилани қўллаб-қувватлаш бўлими бошлиғи Н.Aсадов, вилоят касаба уюшмалар бирлашмаси кенгаши ходими Ориф Мизамов, таълим, фан ва маданият ходимлари касаба уюшмаси Тойлоқ туман кенгаши раиси Қобир Собиров иштирок этди.
Фото: Тойлоқ тумани ҳокимлиги ахборот хизмати
Фото: Тойлоқ Туман ҳокимлиги ахборот хизмати
Эслатиб ўтамиз, Когонда «Саховат ва кўмак» тадбирлари доирасида муҳтож оилаларга озиқ-овқат маҳсулотлари етказиб берилгани, Асакада «темир дафтар»даги ишсиз фуқаролар иш билан таъминлангани ҳамда Бухорода 50 мингта эҳтиёжманд оила аъзосига 200 минг сўмдан жами 10 миллиард сўм тарқатилгани ҳақда хабар берилганди.
