Эмлангандан сўнг коронавирусга қарши иммунитет қачон пайдо бўлиши маълум бўлди
Роспотребнадзор Марказий илмий-тадқиқот эпидемиология институти илмий ишлар бўйича директор ўринбосари Александр Горелов «Доктор» телеканали эфирида эмлангандан сўнг коронавирусга қарши иммунитет қачон пайдо бўлишини маълум қилди.
Фото: «Доктор»
Унинг сўзларига кўра, коронавирусга қарши эмлангандан сўнг инфекцияга қарши иммунитет 32–45 кундан эрта ҳосил бўлмайди. «Тўртта инкубация даври — 56 кундан кейин антитаначаларнинг максимал сони ҳосил бўлади. Шундан кейингина кўксимизни тўлдириб бемалол нафас олсак бўлади. Бироқ бу ниқоб тақмаслик кераклигини англатмайди», — Александр Горелов дейди.
Бундан ташқари, Александ Горелов CОVID-19’ни бошидан ўтказган россияликлар тўққиз ой давомида — 2021 йилнинг кузигача коронавирусга қарши эмланмасликлари мумкинлигини маълум қилганди. Унинг сўзларига кўра, бу одамлар «мутлақо хотиржам» бўлишлари мумкин.
Эслатиб ўтамиз, Ўзбекистонда COVID-19’га қарши Хитойнинг «Ayhui Zhifei Longcom Biopharmaceutical» компания вакцинаси ва Россияда ишлаб чиқарилган «Спутник V» вакцинасининг 3-босқич клиник тадқиқотлари ўтказилиши режалаштирилган.
Aввалроқ Ўзбекистон учинчи босқич синовларида ижобий натижа кўрсатган вакцинани харид қилиши ҳақида хабар берилганди. Шунингдек, Россия саноат ва савдо вазири «Спутник V» вакцинасини Ўзбекистонга олиб келгани хабар қилинган
