Италияда TikTok’даги хавфли челленжни бажарган 10 ёшли қизнинг жасади ваннахонадан топилди
Ситсилияда «блекаут» номли чидамлиликка бўлган чақириқни бажараётган 10 ёшли қизча нафас етишмаслиги оқибатида вафот этди. Бу ҳақда «Корреспондент.нет» хабар берди.
Фото: «Depositphotos»
Маълум қилинишича, челленж вақтида иштирокчиларга камарни бўйиндан ўтказиб, видео ёзиб бўлингунга қадар нафас олмаслик таклиф этилган. Қизчани ваннахонадан беш ёшли синглиси топиб олган. Унинг ёнида телефон бўлган. TikTok’нинг ёш фойдаланувчиси шифохонада вафот этган.
«TikTok’нинг хавфсизлиги — биринчи навбатдаги вазифамиз, шу сабабли хавфли хатти-ҳаракатларни рағбатлантирувчи ёки тарғиб қилувчи ҳар қандай контентга рухсат бермаймиз», — деб таъкидлаган TikTok вакили.
TikTok’нинг маълум қилишича, компания қизни челленжда иштирок этишга мажбурлаган бирор контентни топа олмаган. Шунга қарамай, ижтимоий тармоқ ўз жонига қасд қилишга бўлган эҳтимолий ундаш бўйича тергов ишларида ҳукуматга ёрдам беришга тайёр эканлигини билдирган. Ушбу воқеадан сўнг Италия ҳукумати камида 15 февралга қадар ижтимоий тармоқ фойдаланувчиларининг барча текширилмаган аккаунтларини ўчиришга қарор қилган.
Аввалроқ TikTok’да 15 ёшгача бўлган фойдаланувчилар фақатгина ёпиқ аккаунт очиши ва Россиядаги университетларнинг бирида TikTok факультети очилиши мумкинлиги хабар қилинган эди.
