Навоийда аёл ўзи ва уч фарзандини поезд тагига ташлади
Навоийда 31 ёшли аёл ўзи ва уч нафар қизининг жонига суиқасд қилди. Бу ҳақда «Дарё» хабар берди.
Фото: tvc.ru
Хабарга кўра, 21 март куни Наврўз байрами муносабати билан фарзандларини Навоий шаҳридаги дам олиш масканига олиб борган ва улар билан сайр қилган. Бироқ дам олишдан қайтаётган аёл кутилмаган қарорга келган. Ва ўзи ва уч нафар фарзандини поезд тагига ташлаб, жонига қасд қилган. Қизлар омон қолган, она эса вафот этган.
Қайд этилишича, воқеа содир бўлишидан олдин онасининг кутилмаган хатти-ҳаракатидан безовталанган 2013 йилда туғилган катта фарзанди унинг қўлидан чиқиб кетган.
«Аёлнинг икки нафар қизи эса ўзининг қўлида қолган. Содир бўлган мудҳиш ҳолат туфайли 2016 йилда туғилган қиз бошидан тан жароҳати олган ва айни пайтда шифохонада. 2018 йилда туғилган қиз ҳам бахтли тасодиф туфайли омон қолган. Она эса шифохонага олиб кетилган ва олган оғир тан жароҳати туфайли ўша ерда вафот этган. Марҳумнинг нега бу қотилликни содир этгани кенг жамоатчилик иштирокида муҳокама этилди. Бироқ онанинг ўлими ҳамон мавҳумлигича қолмоқда», — дейди вилоят ИИБ ахборот хизмати раҳбари Ўктам Усмонов.
Таъкидланишича, мазкур ҳолат юзасидан прокуратура органлари томонидан тегишли тартибда текширув ҳаракатлари ва таҳлиллар олиб борилмоқда.
Эслатиб ўтамиз, аввалроқ Наманганда қўлоқчин таққан болани поез уриб кетган эди.
