Фарғона туман маъмурий судида сўнгги 9 ойда қанча иш кўрилгани маълум қилинди
Фарғона тумани маъмурий судида сўнгги 9 ойда шахснинг шаъни ва қадр-қимматини қасддан камситиш бўйича 435 нафар шахсга нисбатан 253 та иш кўриб чиқилди. Бу ҳақда туман ҳокимлиги ахборот хизмати хабар берди.
![](https://teznews.uz/wp-content/uploads/2020/10/photo_2020-10-09_20-33-00.jpg)
Фото: «Tez News»
Маълум қилинишича, Фарғона туман маъмурий суди томонидан моддалар кесимида олинганда Маъмурий жавобгарлик тўғрисидаги кодекснинг 41-моддаси (Ҳақорат қилиш, яъни шахснинг шаъни ва қадр-қимматини қасддан камситиш) билан кўрилган ишлар сони 2020 йил 9 ой давомида 435 нафар шахсга нисбатан 253 та иш, 2019 йил 9 ой давомида ушбу модда билан 221 нафар шахсга нисбатан 143 та иш кўрилган.
Шунингдек, МЖтКнинг 52-моддаси (Қасддан енгил тан жароҳати етказиш, бу ҳаракат соғлиқнинг қисқа муддат ёмонлашувига ёки меҳнат қобилиятини унча кўп давом этмайдиган турғун тарзда йўқотишга олиб келмаган бўлса) билан 2020 йил 9 ой давомида 311 нафар шахсга нисбатан 217 та иш, 2019 йил 9 ой давомида ушбу модда билан 226 нафар шахсга нисбатан 177 та иш кўрилган, ушбу ҳуқуқбузарликларга оид ишлар эса ўтган йилгига нисбатан 150 тага кўпайган.
МЖтКнинг 183-моддаси (Майда безорилик, яъни жамоат жойларида уятли сўзлар билан сўкиниш, фуқароларга ҳақоратомуз шилқимлик қилиш ҳамда жамоат тартибини ва фуқароларнинг осойишталигини бузувчи шу каби бошқа хатти-ҳаракатларда ифодаланган жамиятда юриш-туриш қоидаларини қасддан менсимаслик) билан кўрилган ишлар сони 2020 йил 9 ой давомида 135 нафар шахсга нисбатан 110 та иш, 2019 йил 9 ой давомида ушбу модда билан 169 нафар шахсга нисбатан 134 та иш кўрилган.
Аввалроқ Фарғона туманида 6,5 миллион сўмлик техника воситаларини ўғирлаган эркак қўлга олинганди. Шунингдек, Учкўприкда фуқаронинг телефонини тортиб олган 4 нафар йигит қамоққа олингани хабар қилинганди.