Кун қаҳрамони: модель Амалия Шакирова

Амалия Шакировани «Tabloid» кун қаҳрамони сифатида эълон қилди.

Хабарга кўра, Амалия Шакирова ҳозирда 25 ёшда. У 13 ёшидан бошлаб, модель бўлиб ишлайди. Шунингдек, у томошаларга бориб, фильмларда иштирок этади. Амалиянинг илк фаолияти «Figaro» агентлигига тўғри келади. Унга 11–12 ёш пайтлари кўчада бир аёл «Сиз қайси мактабдансиз? Ёшингиз нечада?» деб мурожаат қилган. Бўлажак модель аёлнинг ушбу саволни нима учун берганини билмасди. Аммо кейинроқ маълум бўлишича, бу аёл моделлаштириш агентлигида скаут бўлиб ишлаган (янги юзларни топиб, уларни агентликка олиб келадиган шахс).

Фото: Instagram/ @liya_kira13

Шундан сўнг аёл қизалоққа ташриф қоғозини бериб, кастинг учун агентликка боришини илтимос қилади. Аммо Амалиянинг онаси уни кастингга боришга йўл қўймаган, чунки қизи бу бизнеснинг қийинчилигини кўргандан сўнг уни барибир ташлаб кетади, деб ишонган.

Фото: Instagram/ @liya_kira13

«Бунгача мен ҳамма машғулотларни яхши кўрардим. Лекин расм чизиш, рақсга тушиш, баскетбол, сузиш, теннис ва ҳамма нарсани ташладим, чунки бу машғулотларга энди менда қизиқиш қолмаган эди», — дейди Амалия.

Фото: Instagram/ @liya_kira13

Узоқ вақтдан сўнг Амалия кастинг агентлигига бориб, у қўйилган талабларга мос келишини айтади. У илк марта модель сифатида Япониянинг Токио шаҳрига саёҳат қилган. Шунингдек, Амалия Малайзия, Сингапур, Индонезия, Филиппин, Франция, Германия, Италияда ҳам бўлган.

Фото: Instagram/ @liya_kira13

Албатта, саёҳатдан ташқари Амалия ўқишини ҳам давом эттириши керак эди. У 257-мактабни ва Дизайн коллежини тугатган. Лекин институтига кира олмаган. У фақат ўрта маълумотга эга, холос.