Ўзбекистонда 28 август куни 376 кишида коронавирус аниқланди. Умумий соғайиш кўрсаткичи 93 фоизга етди

Ўзбекистонда 28 август соат 23:30 ҳолатига кўра, коронавирус инфекцияси қайд этилганлар сони 40 823 (+103) нафарни ташкил этмоқда. Бу ҳақда Соғлиқни сақлаш вазирлиги хабар берди.

Фото: «Tez News»

Янги касалланиш ҳолатлари

Маълум қилинишича, янги касалланиш ҳолатларининг 56 нафари Тошкент шаҳрида, 39 нафари Тошкент вилоятида ҳамда 8 нафари Самарқанд вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кунлик касалланишлар

Мамлакатда 28 август куни мамлакатда 376 ҳолатда касаллик қайд этилган бўлиб, уларнинг барчаси тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Ўлим ҳолатлари

Ўзбекистонда коронавирусдан вафот этганлар сони 303 нафарга етди. 28 август куни Тошкент шаҳрида 4 нафар, Тошкент вилоятида 1 нафар, жами 5 нафар коронавирусга чалинган бемор вафот этди.

• Биринчи ўлим: Яшнобод туманида яшаган 63 ёшли М.К. (эркак) вафот этди.
• Иккинчи ўлим: Яшнобод туманида яшаган 59 ёшли М.У. (аёл) вафот этди.
• Учинчи ўлим: Олмалиқ шаҳрида яшаган 74 ёшли Р.У. (аёл) вафот этди.
• Тўртинчи ўлим: Шайхонтоҳур туманида яшаган 56 ёшли С.У. (аёл) вафот этди.
• Бешинчи ўлим: Учтепа туманида яшаган 70 ёшли Ш.У. (аёл) вафот этди.

Кунлик соғайганлар

Бугун, 28 август куни Тошкент шаҳри, Қорақалпоғистон Республикаси, Тошкент, Самарқанд, Наманган, Хоразм, Сурхондарё вилоятларида жами 747 нафар бемор соғайди.

Мамлакатдаги вазият

Ҳозирда касаллик қайд этилган жами 40 823 нафар бемордан 37 947 нафари соғайди. Пандемия даврида биринчи марта коронавирусдан соғайиш кўрсаткичи 93 фоизгача кўтарилди.

Айни пайтда тиббиёт муассасаларида даволанаётган 2573 нафар бемордан 301 нафари оғир, 131 нафари эса ўта оғир аҳволда.

Эслатиб ўтамиз 27 август куни 393 кишида коронавирус аниқланган. 5 нафар бемор вафот этган.