Тошкентда эркак масжидда намоз ўқишга кирган фуқаронинг чўнтагидан 5400 доллар ўғирлади — видео

Тошкент шаҳри «Чорсу» бозори ёнида жойлашган «Ҳўжа Аҳрор Валий» жомеъ масжидида эркак 6 декабрь куни фуқароинг чўнтагидан 5400 доллар ўғирлади. Бу ҳақда «Zamon» ахборот дастурида хабар берилди.

Кадр: Telegram

Маълум қилинишича, 2020 йил 6 декабрь куни ўз оиласи билан Тошкентнинг «Чорсу» бозорига тушган оила бошлиғи аср номози бўлиб қолгани учун бозор ёнида жойлашган «Ҳўжа Аҳрор Валий» жомеъ масжидига чиққан. У ердан чиқиб, ортга қайтгач оиласи учун ҳарид қилган буюмга пул тўлаш вақтида чўнтагидаги 5400 АҚШ доллари миқдоридаги пули йўқлигини билиб қолган.

Шундан сўнг, эркак масжид маъмуриятига бориб, мурожаат қилган. Маъмурият эса кузатув камерасини биргаликда кўришни айтган. Тасвирланган видеоларда маълум бўлишича, фуқаронинг курткаси илинган жойда нотаниш фуқаро унинг чўнтагидан пул ўғирлагани маълум бўлган.

Олиб борилган суриштирувлар ва видеокузатув камераларидаги тасвирлар ўрганилганда ўғрининг шахсига ойдинлик киритилган. У 1984 йил Наманган вилоятида туғилган, муқаддам судланган фуқаро эканлиги аниқланган. Тергов ҳаракатлари давомида фуқаро ўғирликдан икки кун олдин ҳудди шундай жиноятни Юнусобод туманидаги «Минор» масжидида ҳам амлга оширгани маълум бўлган. У ердан 1330 АҚШ доллар пул ўғирлаган.

Ҳозирда мазкур ҳолат бўйича Жиноят кодексининг 169-моддаси 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.

Аввалроқ Тошкент шаҳар Шайҳонтоҳур туманида масжидга келган эркакнинг 5,4 минг долларини ўғирлаган 36 ёшли эркак қўлга олингани ҳақида хабар берилганди.