Қувасойда «Соғлом ҳаёт учун 5000 қадам» акцияси доирасида юриш марафони ташкил этилди (фото)
Фарғона вилояти Қувасой шаҳрида 31 октябрь, шанба куни 850 киши иштирокида «Соғлом ҳаёт учун 5000 қадам» шиори остида оммавий юриш марафони ўтказилди. Бу ҳақда шаҳар ҳокимлиги ахборот хизмати хабаp берди.
Фото: Қувасой шаҳар ҳокимлиги ахборот хизмати
Таъкидланишича, 31 октябрь куни Қувасой тумани ҳокимлиги, жисмоний тарбия ва спорт бўлими, маҳалла ва оилани қўллаб-қувватлаш бўлими, болалар ва ўсмирлар спорт мактаби билан ҳамкорликда аҳоли вакиллари, уюшмаган ёшлар, корхона, ташкилолот, муассасалар раҳбарлари ва ходимлари иштирокида «Соғлом ҳаёт учун 5000 қадам» шиори остида оммавий юриш марафони ўтказилган.
Фото: Қувасой шаҳар ҳокимлиги ахборот хизмати
Қайд этилишича, ушбу тадбирда жами 850 нафар иштирокчи қатнашди. Шаҳар ҳокимлиги томонидан ҳафтанинг ҳар шанба куни «спорт» куни деб белгиланди.
Фото: Қувасой шаҳар ҳокимлиги ахборот хизмати
Фото: Қувасой шаҳар ҳокимлиги ахборот хизмати
Аввалроқ Данғарада 2 мингга яқин фуқаро иштирокида оммавий юриш марафони ўтказилгани ҳақида хабар берилганди.
