Тошкентда 5 та автомобиль иштирокида автоҳалокат содир бўлди
Тошкент шаҳри Учтепа туманида 5 та транспорт воситаси — 2 та Lacetti, Spark, Nexia 3 ва Yutong автобуси ўзаро тўқнашган. Бу ҳақида ИИББ ЙҲХБ ахборот хизмати хабар берди.
Ҳодиса 7 октябрь куни соат 22:10 ларда Учтепа тумани Лутфий кўчасида 5 та автомобиль иштирокида содир бўлган.
Ҳолат иштирокчилари: Nexia 3 (ҳайдовчиси И.И), Lacetti (А.Х), Lacetti (Ж.Б), Spark (А.А), Yutong русумли автобус (Х.Н).
ЙТҲ оқибатида тан жароҳати олган ва ҳалок бўлганлар йўқ.
ИИББ хабарига кўра, ҳозирда масъул ходимлар томонидан суриштирув ҳаракатлари олиб борилмоқда.
