АТТО транспорт картаси билан йўл ҳақини тўлаш арзонлашади

АТТО компанияси жамоат транспорти карталарининг барча эгалари учун ноёб акцияни бошлайди.

1 августдан 30-центябргача АТТО картаси орқали тўловларни амалга оширишда йўловчилар Тошкент шаҳрида автобусларда белгиланган 1400 сўм ўрнига 1300 сўм тўлайдилар. Энди АТТО транспорт картасидан фойдаланиш нафақат қулай, балки фойдали ҳам бўлади.

Эслатиб ўтамиз, худди шундай акция 1 августда яқиндагина автоматлаштирилган тўлаш тизими жотий этилган Гулистон шаҳридаги жамоат транспортида ҳам бошланади. Йил охиригача Сирдарё вилоятининг вилоят марказида АТТО картаси билан йўл ҳақи учун тўлаш 10 фоизга арзонроқ, яъни ҳар бир ҳаракатланиш учун 900 сўм бўлади.

Шунингдек, транспорт карталари эгалари учун энди пойтахтнинг бир нечта йўналишли автотранспортларида ҳаракатланиш учун чегирмалар амал қилади.

АТТО карталарини «Тошйўловчитрансхизмат» УК сотув шохобчалари ва метро кассаларидан сотиб олиш мумкин. Транспорт картаси балансиниATTO, MyUzcard, Payme, Click, Upay, Apelsin ва бошқа тўлов хизматларининг мобил иловалари, шунингдек карталарни сотиш шохобчаларида тўлдиришингиз мумкин. АТТО маълумотларига кўра, бугунги кунгача 350 мингга яқин транспорт карталари, шу жумладан тарифли карталар сотилган.

АТТО ижтимоий тармоқларда.

Обуна бўлинг ва компаниянинг янгиликлари ва акцияларидан хабардор бўлинг:

Telegram: @attouz

Facebook: @atto.uz

Instagram: @atto_uz

реклама ҳуқуқи асосида