Коронавирусга қарши 12 ёшдан катта болалар ҳам ихтиёрий эмлананиши мумкин
Ўзбекистонда 12 ёшдан катта болалар коронавирусга қарши Pfizer вакцинаси билан ихтиёрий равишда эмлашнишга рухсат берилди. Бу ҳақда Соғлиқни сақлаш вазирлиги ахборот хизмати хабар берди.
Маълум қилинишича, коронавирусга қарши Pfizer вакцинасининг 12-15 ёшдаги болаларда ўтказилган клиник синовларининг натижалари мазкур вакцинанинг юқори даражада самарадорлиги ва хавфсизлигини кўрсатган. Жаҳон соғлиқни сақлаш ташкилоти томонидан 12 ёшдан юқори болаларни ва ўсмирларни Pfizer вакцинаси билан эмлаш тавсия этилган.
Ўзбекистон Бош давлат санитария врачи ва миллий техник иммунологик эксперт комиссиясининг қарорига асосан, мамлакатда ота-оналар ва васийларининг розилиги асосида, ихтиёрий равишда 12 ёшдан катта болаларни Pfizer вакцинаси билан эмлаш имконияти мавжуд.
Ўзбекистонда ҳам 12 ёшдан катта болалар шифокор кўригидан ўтгач, коронавирусга қарши Pfizer вакцинаси билан эмланишлари мумкин.
