Бухорода 50 ёшли эркак 29 ёшли аёлини пичоқлаб ўлдирди
Бухоро вилояти Бухоро тумани «Работак» маҳалласида яшовчи эркак 29 ёшли аёлини пичоқлаб ўлдирди. Бу унинг учинчи никоҳи бўлган. Бу ҳақда «Daryo» ўз манбасига таяниб хабар бермоқда.
Аниқланишича, эркакнинг 2018 йилда биринчи хотини вафот этган, кейинроқ у 2018-2019 йилларда иккинчи хотини билан Бухорода яшаган. Уларнинг битта фарзанди бўлган, аммо улар ҳам ажралишган. Шундан сўнг, 2019 йилда эркак Қашқадарё вилоятидан 24 ёшли аёлга уйланган.
Ҳабарларга кўра, эркак ишсиз бўлган ва бола туғилганидан кейин оилада қийинчиликлар юзага келган. Шу тариқа аёл маҳаллий кафелардан бирида ишлай бошлаган.
Оқибатда эркак аёлини рашк қилиб, вақти-вақти билан кафеда жанжал чиқариб турган. Ва бу жанжаллардан бири қотиллик билан якунланган.
Ҳозирда, мазкур ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.
