Шавкат Мирзиёев бир гуруҳ тадбиркорларга миннатдорчилик билдирди — фото
Президент мамлакатда ишбилармонлик муҳитини ривожлантиришга муносиб ҳисса қўшиб келаётган тадбиркорларнинг бир гуруҳига миннатдорчилик билдириш тўғрисида фармойиш имзолади.
Маълум қилинишича, иқтисодиётнинг равнақ топиши ва юртимиз барқарор ривожланиши, ишбилармонлик муҳитини яхшилаш, республиканинг экспорт салоҳиятини ошириш, янги иш ўринларини яратиш, бюджет барқарорлигини таъминлаш ҳамда аҳолини ижтимоий қўллаб-қувватлашда муносиб ҳисса қўшиб келаётган бир қатор тадбиркорларга миннатдорчилик билдирилган.
Қайд этилишича, «Энг кўп иш жойлари яратган тадбиркор», «Энг яхши солиқ тўловчи» ва «Энг яхши экспортёр» сифатида 100 нафар тадбиркорларга миннатдорлик хатлари топширилди.
