Умра зиёратини амалга оширишга рухсат берилиши маълум қилинди
10 августдан бошлаб хорижлик зиёратчиларга Умра зиёратини амалга оширишга рухсат берилади, деб хабар бермоқда Kun.uz Саудия Арабистони ҳукуматига асосланиб.
Фото: google
Маълум қилинишича, зиёратчилар коронавирусга қарши барча зарур чораларни кўрган ҳолда қабул қилинади. Муқаддас ўлкага ташриф буюришни истаган мусулмонлар қиролликда тасдиқланган Pfizer, Moderna, Johnson & Johnson, AstraZeneca вакциналаридан бири билан тўлиқ эмланган бўлиши лозим.
Қайд этилишича, вакцина олмаган зиёратчилар келгандан сўнг карантиндан ўтиб, коронавирус учун қайта ПЦР тестини топширишлари лозим.
Шунингдек, зиёратчиларнинг хавфсизлиги ва талабини таъминлаш учун кириш ва чиқишни тартибга солиш, махсус эҳтиёжлари бўлган одамлар учун ўтиш йўлларини ажратиш ҳамда Замзам сув идишларини намоз ўқиладиган жойларга, ҳовлиларга ва тавоф жойларига тарқатиш тартиблари ўрнатилган.
