АҚШда самолётлар яна тўқнашди
АҚШнинг Аризона штати осмонида 19 февраль куни кичик самолётлар тўқнашди. Оқибатда икки киши ҳалок бўлди. Бу ҳақда Associated Press хабар берди.
Ҳар бир самолёт бортида иккитадан одам бўлган. Тўқнашув Тусон шаҳри яқинида содир бўлган. Тўқнашувдан сўнг Cessna 172 самолёти хавфсиз қўнишга муваффақ бўлган. Бироқ Lancair 360 МК II учиш-қўниш йўлаги яқинида ерга қулаб, ёниб кетган.
Ҳалок бўлган икки киши шу самолёт бортида бўлгани айтилмоқда. Ўт ўчирувчилар ёнғинни тезда ўчирган.
Аввалроқ, АҚШда ҳарбий самолёт қулагани ва савдо кемаси авиаташувчи билан тўқнашгани ҳақида хабар берган эдик.
