Қўштепа аҳолиси сўнгги 9 ойда қайси давлат хизматидан энг кўп фойдалангани маълум бўлди

Фарғона вилояти Қўштепа туманида ўтган 9 ой ичида Давлат хизматлари марказларига жами 21 минг 816 та мурожаат келиб тушган. Бу ҳақда туман ҳокимлиги ахборот хизмати хабар берди.

Фото: Қўштепа тумани ҳокимлиги ахборот хизмати

Маълум қилинишича, 2020 йилнинг ўтган 9 ойи мобайнида қўштепаликлар томонидан Давлат хизматлари марказларига жами 21 минг 816 мурожаат келиб тушган. Энг кўп сўралган мурожаат эса қуйидагилардан иборат:

• СТИРни аниқлаш — 2938 та;
• Жисмоний шахслар учун солиқ тўловчининг идентификацион рақамини (СТИР) олиш — 1819 та;
• Болаларни давлат мактабгача таълим муассасаларига қабул қилиш — 1961 та;
• Пенсия ва нафақалар миқдори тўғрисидаги маълумотнома бериш — 1760 та;
• Кўчмас мулк объектларига бўлган ҳуқуқни давлат рўйхатидан ўтказиш — 521 та;
• Фуқароларга фарзанд туғилганда тўланадиган бир маротабалик нафақа пулини олиш учун мурожаат қилиш — 1285 та;
• Фуқарони жамғариб бориладиган пенсия тизимида ҳисобга қўйиш — 1961 та;
• Кадастр паспортини шакллантииш — 1685 та;
• Судланганлик ҳақида маълумотнома бериш — 408 та;
• 20 кВт дан юқори бўлмаган электр тармоқларига уланиш учун техник шартларни олиш — 643 та.

Эслатиб ўтамиз, аввалроқ Фарғонада Давлат хизматлари марказларига сўнгги 9 ойда салкам 660 минг мурожаат келиб тушганди. Шунингдек, Поп ва Учқўрғон туманларининг чекка қишлоқларида ДХМ филиаллари очилгани маълум қилинганди.