Шомуродов ЖЧ-2026 гуруҳ босқичининг энг яхши голи номзодлари рўйхатига кирди

Овоз бериш жараёни 48 соат давом этади. Номзодлар рўйхатидан Лионель Месси ва Килиан Мбаппе ҳам жой олган

ФИФА 2026 йилги футбол бўйича жаҳон чемпионати гуруҳ босқичининг энг чиройли голи муаллифлигига номзодларни эълон қилди.

Рўйхатдан Жованни Рейна (АҚШ), Исмаэль Сайбари (Марокаш), Винисиус Жуниор (Бразилия), Феликс Нмеча (Германия), Элайжа Жаст (Янги Зеландия), Килиан Мбаппе (Франция), Лионель Месси (Аргентина), Кевин Пина (Кабо-Верде), Керим Алайбегович (Босния ва Герцеговина), Уилсон Исидор (Гаити), Даидзэн Маэда (Япония) ва Элдор Шомуродов (Ўзбекистон) жой олган.

Овоз бериш жараёни 48 соат давом этади, шундан сўнг ЖЧ-2026 гуруҳ босқичининг энг чиройли голи аниқланади.

Эслатиб ўтамиз, Элдор Шомуродов ДР Конго терма жамоасига қарши учрашувда ўз маҳоратини кўрсатган эди.