Repost.uz 2025 йилнинг энг яхши интернет-ОАВи деб топилди
Ўзбекистон Миллий медиа уюшмаси Repost.uz нашрига «2025 йилнинг энг яхши интернет-ОАВи» номинациясида «Ренессанс» миллий мукофотини топширди.
Мукофотлаш маросими мамлакатнинг етакчи медиа компаниялари вакиллари иштирокида бўлиб ўтди.
Repost.uz таҳририятини «Ренессанс» мукофотини қўлга киритгани билан табриклайман. Саккиз йил давомида сизлар муносиб йўлни босиб ўтдингиз, тезкорлик билан ривожланиб, оддий ОАВдан мамлакат медиа маконидаги йирик ўйинчилардан бирига айландингиз. Сизларга ва сизнинг кузатувчиларга янада ривожланиш, фаровонлик ва ижодий куч тилайман», – деди Ўзбекистон Миллий медиа уюшмаси раиси Шерзодхон Қудратхўджа.
Мазкур, мукофот Repost.uz’нинг замонавий медиа форматларини ривожлантиришга қўшган ҳиссаси, янгиликларни тақдим этиш сифати ва аудитория ишончини эътироф этади.
Биз учун бу мукофот тўғри йўлдан бораётганимиздан далолатдир. Repost.uz’ни ҳар куни ҳақиқатга, тезкорликка ва ўқувчилар учун фойдали бўлишга интиладиган жамоа яратади. Бизга ишониб, лойиҳани ишлаб чиқишда ёрдам берган барчага раҳмат, — деди нашр бош муҳаррири Фарход Тошпўлатов.
Мукофот 15 дан ортиқ номинацияларни ўз ичига олган бўлиб, улар минтақавий ва марказий телеканаллар, радиостанциялар, муаллифлик дастурлари ва онлайн нашрлар орасида ўтказилиб келади.
