MOCFEST: Кетма-кет тўртинчи йил фестиваллар фестивалининг қайтиши

22.08.2024 | 18:09

23, 24 ва 25 август кунлари MOCFEST фестиваллар фестивали бутун ижодий ҳамжамиятни битта катта ижодий гирдобга бирлаштиради.

Концепция

MOCFEST — халқаро ёшлар санъат ва ижод фестивали. Бу санъатнинг барча турлари ва бутун ижодий жамоани шаҳар марказидаги кенг кўламли локацияда бирлаштирган ягона мультимедиа тадбири. Бу севги ва озодлик байрами бўлиб, у мусиқа, санъат, ижрочилик, озиқ-овқат, технология, спорт ва экология фестивалларини гирдоб каби ўз ичига олади.

MOCFEST Тошкентнинг маданий ҳаётига ҳайратланарли, бунёдкорлик руҳини шарафловчи, дадил тажрибаларга илҳомлантирувчи ва янги истеъдодларни кашф этувчи бир қатор ёрқин тадбирлар билан кириб келмоқда. Минтақамизнинг бутун ижодий салоҳиятини жамлаш учун. Бу ёзнинг энг кенг кўламли байрамига айланиш учун.

Фестиваль тарихи ва формати

MOCFEST фестивали 2021 йилнинг баҳоридан буён ўтказилмоқда. 2021 йилда ижодий ҳамжамиятдан ижодий ҳамжамият учун кичик фестиваль сифатида бошланган, ўшанда шаҳарнинг барча ёш ижодкорлари Тошкентга шаҳар фестивалининг йўқолган анъанасини қайтариш учун битта умумий ҳаракатга бирлашдилар. Биринчи йили фестиваль 10 кун, 2022 ва 2023 йилларда эса 2 ойдан бўлиб ўтди.

2024 йил ёзининг охирида фестиваль тўпланган барча тажриба ва барча тўпланган воқеалар базасини MOC қачонлардир ўйлаб топган деярли ҳамма нарса бўладиган энг бой 3 кунга жамлайди.

Ушбу уч йил ичида лойиҳа бутун Марказий Осиё учун ноёб бўлиб, минтақанинг барча ижодий салоҳиятини ўзида мужассамлаштирди ва ҳамма нарсани бирлаштирди: ижодкорлар, пудратчилар, халқаро, давлат, тижорат ва нотижорат ҳамкорлар, жамият — улкан МОC ҳамжамиятини яратди.

МОC — бу нима?

MOCFEST ташкилотчиси бўлган МОC — бу креатив марказ бўлиб, унинг вазифаси «креатив салоҳиятни жамлаш»дир. Ўзбекистоннинг креатив иқтисодиётини ривожлантириш мақсади ва уни жаҳон даражасига олиб чиқиш орзуси билан ҳаракатланган МОC 2018 йилдан бошлаб дўстларнинг кичик ҳамжамияти сифатида ўз-ўзини ўзгартиришни давом эттирмоқда ва минтақадаги энг йирик креатив ташкилотга айланиб, янада кўпроғини хоҳлайди ва янги «челленж»ларни қабул қилмоқда. МОC қисқа вақт ичида бир қатор лойиҳаларни амалга оширди:

• фестиваллар, кўргазмалар, тадбирлар: Стихия, Cinema Love, Гроза, WeCosmos, New Matters, Creative Central Asia Forum, Stand-Up Dvizh, Boiler Room Uzbekistan, Jolbors Business Summit, Ayol Yo’li, VR Digital Autumn, TIAF, Eco-niyat, Tashkent Modernism ва бошқалар;

• таълим лойиҳалари: moctab, Wildlife Photographer of the Year Academy, Stihia Gen, Stihia N+1, Alternativa Film Labs (Teen Lab, Development Lab), Artdosh, Creative Producers ва бошқа юзлаб дастурлар, маърузалар, танловлар, кино намойишлари ва бошқалар;

• шунингдек, кўплаб хайрия ташаббуслари.

Жойлашув

Тўрт йил ичида биринчи марта MOCFEST очиқ майдонда, саноат зонасида ёки ташландиқ омборда ўтказилмайди. Бу йил МОC ва HUMO ARENA стратегик ҳамкорликни йўлга қўйди ва фестивални шаҳар марказида, сўнгги йилларда барча йирик тадбирлар учун асосий майдонга айланган энг катта аренада ўтказишади. Ҳамкорликдан мақсад — замонавий муз саройи инфратузилмасида катта халқ фестивали қандай бўлиши мумкинлигини кўрсатиш ва, албатта, «Ҳумони йиғиш»!

Дастурлар

Мусиқий дастур бутун дунё, Марказий Осиё ва Ўзбекистондан кўплаб таниқли санъаткорларни тақдим этади.

Халқаро ижрочилар орасида:

• Gaye Su Akyol (Турция);

• Lalalar (Турция);

• Al-Qasar (Франция);

• Aigel (Татаристон);

• dudeontheguitar (Қозоғистон);

• Dequine (Қозоғистон);

• Zere (Кыргызстон).

Ўзбекистон номидан:

• Xamdam Sobirov

• Flyin Up

• Nikina

• Toir Asqar va Safo guruhi

Ва бу бу йилги лайнапнинг фақат бешдан бир қисми.

Шунингдек, фестивалда кўплаб фаоллик ва ташаббусларни кутиш мумкин, жумладан:

• Арт-объектлар, инсталляциялар: ташриф буюрувчилар бутун арена ҳудудида жойлаштириладиган ноёб санъат асарларидан баҳраманд бўлишлари мумкин.

• Озиқ-овқат фестивали: энг яхши ресторан ва кафелар ўз маҳоратларини намойиш этиб, меҳмонларни миллий ва халқаро ошхоналарнинг нафис таомлари билан сийлашади.

• Маркет: турли хил маҳаллий эко — ва handmade брендлар бозори, шу жумладан безаклар, аксессуарлар, кийим-кечаклар, сувенирлар ва замонавий истеъмолчининг кўнгли истаган ҳамма нарса.

• Экологик ташаббуслар: фестиваль дастури экологик ташаббуслар ва барқарор ривожланишни қўллаб-қувватлашга қаратилган тадбирларни ўз ичига олади.