ФИФА президенти Жанни Инфантино Ўзбекистонга келди
Халқаро футбол ассоциациялари федерацияси (ФИФА) президенти Жанни Инфантино Ўзбекистонга ташриф буюрди, деб хабар бермоқда мамлакат футбол ассоциацияси.
Аниқланишича, Инфантино Ўзбекистонда футболни янада ривожлантиришга доир лойиҳаларни муҳокама қилиш, Миллий футбол маркази билан яқиндан танишиш ҳамда «CAFA Nations Cup 2025» мусобақасининг финал учрашувини стадиондан кузатиш мақсадида мамлакатга ташриф буюрган.
FIFA делегациясини Тошкент халқаро аэропортида Ўзбекистон Республикаси спорт вазири Адҳам Икрамов, Осиё Олимпия кенгаши витце-президенти, Милий Олимпия қўмитаси раиси биринчи ўринбосари Отабек Умаров, ЎФА биринчи витце-президенти Равшан Ирматов ва расмийлар кутиб олишди.
