Фирибгарликда гумонланиб, халқаро қидирувда бўлган ўзбекистонлик Хорватиядан мамлакатга экстрадиция қилинди
Фирибгарликда гумонланиб, халқаро қидирувга берилган фуқаро Хорватиядан Ўзбекистонга экстрадиция қилинди, деб хабар қилди ИИВ матбуот хизмати.
Хусусан, ушбу операция Ўзбекистон ҳамда Хорватия Интерпол Миллий марказий бюроларининг мувофиқлаштирилган ҳаракатлари натижасида амалга оширилган.
Фирибгарлик жиноятини содир этганлик учун халқаро қидирувда бўлган Ўзбекистон фуқаросининг экстрадицияси Интерпол Загреб Миллий марказий бюроси билан яқин ҳамкорлик ва фаол ўзаро ҳамжиҳатлик, шунингдек Ўзбекистоннинг Венгриядаги консуллиги томонидан кўрсатилган ҳар томонлама кўмак туфайли мумкин бўлди, — дейилади хабарда.
Ўтказилган тадбир натижасида, ушбу шахснинг содир этилган жиноятлариучун жавобгарлиги таминланиши билдирилди.
