Россиялик икки синхрончи Ўзбекистон терма жамоасида чиқиш қилади

14.09.2026 | 13:39

Уларнинг терма жамоа таркибидаги дебюти 2026 йилги Aichi-Nagoya Осиё ўйинларида бўлиб ўтади

Россиялик спортчилар Анастасия Бахтырева ва Виолетта Евенко спорт фуқаролигини ўзгартириб, артистик сузишда Ўзбекистон номидан чиқиш қиладиган бўлди, бу ҳақда Uzbekistan Aquatics федерацияси хабар бермоқда.

Бугунги кунда Анастасия Бахтырева ва Виолетта Евенко артистик сузиш бўйича Ўзбекистон терма жамоаси таркибида машғулот ўтказиб, «аёллар дуэти» йўналишида мамлакатимиз шарафини ҳимоя қилишга тайёргарлик кўрмоқда. Дуэтнинг захира таркибидан Ўзбекистон терма жамоаси спортчиси Сабина Маҳмудова ўрин олган, — дейилади хабарда.

Уларнинг терма жамоа таркибидаги дебюти 2026 йилги «Aichi-Nagoya» Осиё ўйинларида бўлиб ўтади.

23 ёшли Анастасия Бахтырева жамоавий беллашувларда 2025 йилги жаҳон чемпионатининг икки карра совриндори бўлган. 21 ёшли Виолетта Евенко эса ёшлар ўртасидаги жаҳон чемпионатида уч бор зафар кучган.