Ўзбекистон илк бор эшкак эшиш бўйича жаҳон чемпионатида олтин медални қўлга киритди

Академик эшкак эшувчилар Шаҳзод Нурматов ва Собир Сафаралиев жаҳон чемпиони бўлди

Академик эшкак эшиш бўйича Амстердамда ўтказилган жаҳон чемпионатида Ўзбекистон терма жамоаси вакиллари олтин медалларни қўлга киритди, деб хабар бермоқда МОҚ матбуот хизмати.

Енгил вазнли спортчилар ўртасидаги жуфтлик дастурида (LM2x) Шаҳзод Нурматов ва Собир Сафаралиев дуети олтин медал соҳибига айланди.

Бу ўзбекистонлик академик эшкак эшувчиларнинг катталар ўртасидаги жаҳон чемпионатида қўлга киритган дастлабки олтин медали сифатида тарихда қолади, — дейилади хабарда.