Индонезияда юз берган зилзила қурбонлари сони 50 кишидан ошди
Содир бўлган зилзила, кўчкилар юзага келишига ва йўлларнинг тосилиб қолишига олиб келди
Индонезияда 7,7 магнитудали зилзила оқибатида 51 киши ҳалок бўлди. Бу ҳақда ҳокимият органларига таяниб Reuters хабар бермоқда.
Соғлиқни сақлаш вазири ўринбосари Бенжамин Паулус Октавиануснинг таъкидлашича, яна 36 киши оғир, 77 киши эса енгил жароҳат олган. Зилзиладан жабр кўрган ҳудудлардан 5 мингга яқин аҳоли эвакуация қилинди.
Содир бўлган зилзила, кўчкилар юзага келишига ва йўлларнинг тосилиб қолишига олиб келди. Қутқарувчилар Маумере шаҳрининг бошқа аҳоли пунктларидан узилиб қолган ҳудудларига етиб борган. Бедарак йўқолганлар сонига ҳозирча аниқлик киритилмаган.
Хусусан, ҳудуддаги айрим аҳоли бошпанасиз қолган. Жабрланганларга тиббий ёрдам шифохона ёнида ташкил этилган палаткаларда кўрсатилмоқда.
Оқибатларни бартараф этиш учун ҳудудга 3,5 мингдан ортиқ ҳарбий хизматчи ва полициячи юборилган. Зилзила 1,3 мингдан ортиқ уйга зарар етказган.
