Манхэттендаги осмонўпар бинода номалум эркак отишма уюштирди: беш киши ҳалок бўлди
Нью-Йоркнинг Манхэттен шаҳрида жойлашган осмонўпар бинодаги отишмада камида беш киши ҳалок бўлди. Бу ҳақда New York Post полиция манбаларига таяниб хабар бермоқда.
Қуролланган шахс Блэкстоун ва Миллий Футбол Лигаси штаб квартираси жойлашган 44 қаватли бинога бостириб кирган ва соат 18:30 атрофида ўт очган, — дейилади хабарда.
Отишма содир этган шахс Лас-Вегаслик 27 ёшли Шейн Тамура эканлиги аниқланди, деди шаҳар полицияси комиссари Жессика Тиш. Унинг таъкидлашича, Тамура бинонинг кириш қисмида отишма бошлаган, шундан сўнг у лифтда 33-қаватга кўтарилган, у ерда отишни давом эттирган, кейин эса ўз жонига қасд қилган.
Полициянинг маълум қилишича, душанбага ўтар кечаси ақлдан озган эркак 36 ёшли полициячини ва яна тўрт кишини отиб ўлдирган. Тамурада руҳий касалликларнинг ҳужжатлаштирилган тарихи бўлган.
