Жиззахда юк машиналари иштирокида тўқнашув содир бўлди

26 октябрь куни Жиззах вилояти Пахтакор туманида иккита юк машинаси иштирокида автоҳалокат содир бўлди. Бу ҳақида Йўл ҳаракати хавфсизлиги хабар берди.

Ҳодиса Пахтакор туманинг «Буюк ипак йўли» МФЙсидан ўтувчи М-39 йўлида соат 09:30 лар содир бўлган.

Маълум қилинишича, автоҳалокат ҳайдовчи — 1986 йилда туғилган Э.Қ бошқарувидаги Faw русумли ва 1993 йилда туғилган А.Э бошқарувидаги Howo А7 русумли юк машиналарида юзага келган.

Ҳодиса натижасида тан жароҳати олган фуқаролар йўқ, бироқ транспорт воситаларига техник шикаст етган.

Мазкур ҳолат юзасидан Жиззах вилояти ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.