Ўзбекистон Boeing компаниясидан 22 та Dreamliner самолётини харид қилади
Uzbekistan Airways авиакомпанияси Boeing билан 14 та Boeing 787-9 Dreamliner самолётини етказиб бериш ва яна 8 та шундай турдаги ҳаво кемасини харид қилиш бўйича йирик шартнома имзолади.
Шартнома Нью-Йорк шаҳрида Шавкат Мирзиёевнинг Boeing Global компанияси президенти Брендан Нельсон билан учрашуви чоғида имзоланди.
Ушбу келишувни АҚШ Президенти Дональд Трамп Truth ижтимоий тармоғида изоҳлаб, шартнома тафсилотларини баён қилди.
Шу ой бошида муҳтарам Ўзбекистон Президенти Шавкат Мирзиёев билан гаплашдим. Бугун эса президент Мирзиёевни Boeing компанияси билан шартнома имзолагани билан табриклайман, — деб ёзган Трамп.
Унинг сўзларига кўра, Ўзбекистон 8 миллиард доллардан ортиқ маблағга 22 та Dreamliner самолётини сотиб олади.
АҚШ президенти «ушбу келишув Қўшма Штатларда 35 мингдан ортиқ иш ўрни яратишини ва президент Мирзиёев сўзида турадиган инсон экани билдириб», келгусида ҳам кўплаб соҳаларда ҳамкорликда ишлашини таъкидлади.
