Тошкентда Lacetti ва автобус иштирокида ЙТҲ содир бўлди
Тошкент шаҳрининг Миробод тумани Шаҳрисабз кўчаси, «Санъат музейи» қаршисида 11 ноябрь куни соат 19:50 ларда ЙТҲ содир бўлди. Бу ҳақида Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, ҳайдовчи 1985 йилда туғилган А.Х. бошқарувида бўлган King Long автобуси ва ҳайдовчи (аёл) 1992 йилда туғилган Н.Х. бошқарувида бўлган Lacetti автомашинаси тўқнашган.
Ҳодиса оқибатида Lacetti ҳайдовчиси тан жароҳати олган.
Ҳолат юзасидан Тошкент шаҳар ИИББ Йўл ҳаракати хавфсизлиги бошқармаси ходимлари томонидан суриштирув ҳаракатлари олиб борилмоқда.
