«Турон» метро бекатининг том қисмида силжиш содир бўлди
Хавфсизликни таъминлаш мақсадида ушбу станцияда ҳаракат зудлик билан тўхтатилди
Жорий йилнинг 16-июль куни соат 14:34 да «Ер усти ҳалқа» йўналишининг «Турон» метро бекатида том конструкциясининг қисмида силжиб тушиш ҳолати аниқланган.
Ҳаракат хавфсизлигини таъминлаш мақсадида мазкур бекатда метро поездлари ҳаракати зудлик билан вақтинча тўхтатилди. Ҳозирда мутахассислар томонидан ҳолат юзасидан техник ўрганиш ишлари олиб борилмоқда ҳамда аниқланган камчиликларни бартараф этиш чоралари кўрилмоқда.
Мазкур ҳодиса оқибатида икки нафар йўловчи енгил тан жароҳати олган. Уларга воқеа жойининг ўзида биринчи тиббий ёрдам кўрсатилган.
Йўловчиларга қулайлик яратиш мақсадида «Қипчоқ» ва «Қурувчилар»метро бекатлари оралиғида бепул метробуслар ҳаракати йўлга қўйилган.
