Тошкентда метро йўлига тушиб қолган мушук қутқариб олинди
Метрополитен ходимлари вазиятни назоратга олдилар ва ҳайвонни эсон-омон қутқариб қолишди
Ижтимоий тармоқларда «Космонавтлар» метро бекатининг метро йўлида мушук юргани акс этган хабарлар тарқалди.
Хусусан, 16-август куни соат тахминан 20:01 да метро бекатида метро йўлида ҳаракатланаётган мушук аниқланган.
Ҳолат зудлик билан метрополитен ходимлари томонидан назоратга олинган ҳамда техник ёрдам устаси М.Махмаюсупов томонидан мушук хавфсиз тарзда олиб чиқилган.
Мазкур ҳолат поездлар ҳаракат жадвалига таъсир кўрсатмаган. Мушук ҳам ушбу ҳолат оқибатида зарар кўрмаган.
